पसंत नाही सांगा कुणा,
सख्याचे लोभस हसणे ?
नसतानाही निशा आठवे चांदव्याचे असणे..
कुणी म्हणेल वेडी, उगाच का झुरते
पण या पुनवेचे चांदणे तिला, त्या पुनवेपर्यंत पुरते...
कोर-कोर विश्वासाची, पाठवून निशा ही ढळते
अन चांदव्यासंगे नभाला, भाषा मौनातली कळते...!
#यूँही_चाँद...
-अमिता
तिच्याविना अधुरा तू
ती असता जिंकशील हरएक बाजी
नसती जिजाऊ तर सांग..घडला असता का शिवाजी ..?
#यूँही...
#१२ जानेवारी- राजमाता जिजाऊ जयंती
वंगदेशीचा सुपुत्र तो ,
भारत-भू चा जाज्वल्य अभिमान होता मनात
निर्भय विचारांचे अमृत ओतले ,
ज्याने लिहिलेल्या प्रत्येक पानात...
#यूँही...
#१२ जानेवारी -स्वामी विवेकानंद जयंती_National_Youth_day(राष्ट्रीय युवा दिन )
सुंदर योगायोग..सद्गुण आणि स्वराज्याचं बाळकडू शिवरायांना देणाऱ्या राजमाता 'जिजाऊ 'आणि
बंगालच्या भूमीत जन्म घेतलेले, आई 'भुवनेश्वरी' व गुरु 'रामकृष्ण परमहंस' यांच्या संस्कारांत वाढलेले - 'स्वामी विवेकानंद' या दोन अनुकरणीय व्यक्तींचा आज जन्मदिवस. उत्तम चारित्र्य ,सुंदर विचार व तशीच कृती असणारा, व्यसनांच्या आहारी न जाणारा ,अपार देशप्रेम असलेला, निर्भय तरीही विनम्र असा आहे- स्वामीजींच्या स्वप्नातला भारतीय युवक.
दोघांना विनम्र अभिवादन!!
-अमिता
थेंब थेंब दिला क्षणांनी
भरली सुरेख अत्तरदाणी
त्याच हाती तीच लेखणी ,परी आपण नव्या पानी
एकेक मोरपीस जपून आठवाचे
लिहावी पुनश्च नवी कहाणी...
#यूँही...
#Thanks2017_Welcome2018
-अमिता
Wishing a Happy & Prosperous New Year to all...!
सर्वांना नववर्षाच्या हार्दिक शुभेच्छा!
