अथांग तू ,अपार तू
पाहून एकदाच तृप्त कसे व्हावे ?
मी लाख ओंजळ करीन,
पण तू हाती कसे यावे ?
व्यथा हीच माझी, तुला का कळली होती..?
उगाच नव्हती साथ देत - मला तुझीच रेती..!
होऊन लाट उसळलास,अन भिजवलीस रे काया
डोळ्यांच्या या शिंपल्यांत मी,
साठवली तुझी निळीशार माया...
धीरगंभीर गुज तुझे, अजून घुमते कानी
रोज ऐकतोस ना तू - कुण्या वेड्या जिवाची कहाणी..
कोरल्या अक्षरांना माझ्या ,स्पर्शून तुझ्यात स्थान दे ,
रिता रिता हा हृदयकलश,
त्यास विशालतेचं दान दे...!!!
#यूँही...
-अमिता
