इवल्याशाच डोळ्यांनी ,पाहतो सर्वत्र घडलेले
सुपासारख्या कानांनी ऐकतो - मनामनात दडलेले
मोहक रूप, अनंत गुण, बाप्पा..
शब्दांत सांगून होशील का रे ?
नेहमी तूच सुचवतोस मला
आज लिहिलं तुझ्याचसाठी..
गोड मानून घेशील का रे ?
चौदा विद्या, चौसष्ट कलांचा दाता तू
तुला आम्ही काय द्यावे ?
हृदयाच्या मखरात बसवून
चरणी तुझ्या लीन व्हावे..
सडा शिंपला वरुणाने, लगबग आहे सर्वांची
फुलांचा दिमाख न्यारा अन ऐट आहे दुर्वांची..
बाप्पामय पहाट आता अन बाप्पामय सांज झाली
ढोल घुमतो दशदिशांत...
अन काळजाची झांज झाली...!
#यूँही...
- अमिता
#गणपतीबाप्पा मोरया..! मंगलमूर्ती...
No comments:
Post a Comment